Шавкат Мирзиёев 17 март куни “Давлат божи тўғрисидаги Ўзбекистон Республикаси қонунига қўшимча киритиш ҳақида”ги қонунни имзолади. Бу ҳақда ЎзА хабар берди.
Қонунга кўра, эндиликда фуқаролар томонидан давлат органларининг ва бошқа ташкилотларнинг давлат хизматларини кўрсатиш билан боғлиқ қарорлари, ҳаракатлари (ҳаракатсизлиги) устидан судга аризалар (шикоятлар) берилган тақдирда, давлат божини белгиланган ставканинг 50 фоизи миқдорида тўланади.
Эслатиб ўтамиз, Сенатнинг ўттиз еттинчи ялпи мажлисида “Давлат божи тўғрисидаги Ўзбекистон Республикаси қонунига қўшимча киритиш ҳақида”ги қонун кўриб чиқилганди. Давлат хизматларини кўрсатишда жисмоний шахсларнинг ҳуқуқлари ва қонуний манфаатларини суд тартибида ҳимоя қилинишини таъминлаш учун қўшимча шарт-шароитлар яратиш зарурати юзага келаётгани қайд этилган.
Изоҳ (0)