Markaziy bank 2023-yilning 2 oyida aholiga ajratilgan ipoteka kreditlari bo‘yicha ma’lumot berdi.
Ma’lumotlarga ko‘ra, joriy yilning yanvar—fevral oylarida 9,2 mingdan ortiq aholiga 1,9 trln so‘mlik ipoteka krediti ajratilgan.
Yil boshidan beri eng ko‘p ipoteka kreditlari berilgan hududlar orasida Toshkent shahri yetakchilik qilmoqda — 633,8 mlrd so‘m.
Ikkinchi o‘rinni Toshkent viloyati (169,1 mlrd so‘m) egallagan bo‘lsa, Farg‘ona viloyati (141 mlrd so‘m) uchinchi bo‘ldi.
Ipoteka kreditlarining eng kam miqdori Sirdaryo viloyatiga tegishli — 39,4 mlrd so‘m.
Bundan tashqari Jizzax (52,8 mlrd so‘m), Qoraqalpog‘iston (64,8 mlrd so‘m) va Buxoroda (72,4 mlrd so‘m) ham nisbatan kam miqdorda kredit ajratilgan.
Yil boshidan beri ipoteka kreditlarining moliyalashtirish manbalari:
- Moliya vazirligi — 1 trln so‘m;
- Bank o‘z mablag‘lari — 652,9 mlrd so‘m;
- Ipotekani qayta moliyalashtirish manbalari — 235,4 mlrd so‘m.
Avvalroq yil boshidan beri qancha odamga ipoteka krediti berilgani ma’lum bo‘lgani haqida xabar berilgandi.
Izoh (0)