“Barchasi hamma joyda va bir vaqtning o‘zida” filmi yulduzi Mishel Yeo “Yilning eng yaxshi aktrisasi” nominatsiyasida “Oskar” mukofotini olgan birinchi osiyolik aktrisa sifatida tarixga kirdi. The Voice nashri malayziyalik aktrisa haqidagi boshqa qiziqarli ma’lumotlarni ham taqdim etdi.
Mishel Malayziyada tug‘ilgan
Ko‘pchilik Mishelni Kanton filmlarida ko‘p suratga tushgani uchun Gonkong fuqarosi deb o‘ylashi mumkin, biroq u aslida Malayziyaning Ipoh shahrida tug‘ilgan. Aktrisa 15 yoshligida ota-onasi bilan birga Buyuk Britaniyaga ko‘chib o‘tgan.
Mishel nevarasi bilan vaqt o‘tkazishni yaxshi ko‘radi
Mishel suratga olish ishlari bilan band bo‘lishiga qaramay, nevarasi Rey Lin uchun doim vaqt topadi. U ijtimoiy tarmoqdagi sahifalariga nevarasi bilan birga tushgan suratlarini joylashtiradi. Aktrisa uni mehr bilan “kichkina qovoq” ataydi va uni yaxshi ko‘rishini ommaga ko‘rsatadi.
Uning sevgilisi avtomobil korporatsiyasi prezidenti bo‘lgan
Mishel sobiq turmush o‘rtog‘i Dikson Pun bilan ajrashganidan so‘ng, Xalqaro avtomobil federatsiyasi prezidenti Jan Todt bilan uchrasha boshladi. Ular uchrasha boshlaganidan to‘rt yil o‘tib, ya’ni 2008-yilda unashtirilgan, biroq rasman turmush qurmagan.
Hozirda Yeo va Todt Jenevada yashaydi. Mishel ijtimoiy tarmoqlardagi sahifasiga turmush o‘rtog‘i bilan tushgan suratlarni joylab turadi.
U go‘zallik qirolichasi
Mishel 1983-yilda, 21 yoshida “Miss Malayziya” tanlovida ishtirok etdi va unda g‘oliblikni qo‘lga kiritdi. Aktrisa g‘olib bo‘lib uyga qaytishni kutmagan va hatto uning g‘alabasi “hakamlar ko‘r bo‘lgani” bilan ham talqin qilingan. Bundan tashqari, u Londonda bo‘lgan “Dunyo go‘zali” tanloviga o‘z vatanini himoya qilish uchun bordi. U aynan modellik tanlovlari orqali kino sohasiga kirib kelgan.
Ko‘pchilikning e’tiborini tortgan modelga Jeki Chan bilan birga reklamada rol o‘ynashni taklif qilishadi. Jeki Chan o‘sha paytda ham katta mashhurlikka erishgan edi, shuning uchun 21 yoshli Mishel uchun 1984-yilda taniqli aktyor bilan qo‘l soati reklamasini suratga olish jarayonlarida ishtirok etish aql bovar qilmaydigan darajada sharafli daqiqa edi.
Mishel “Matritsa”da rol ijro etishi mumkin edi
Aktrisa “Matritsa” filmida rol o‘ynashi mumkin edi, biroq u bundan voz kechgan. Mishelni kult filmining davomidagi Sefarim roliga taklif qilishdi, biroq u boshqa loyihaning suratga olish jarayonlari bilan band bo‘lganligi sababli mashhur kinokartinada ishtirok eta olmadi. Bu rol uchun ko‘plab aktrisalar nomzod qilib ko‘rsatildi. Dastlab, bu qahramon Jet Li uchun yozildi, biroq u juda ko‘p haq so‘radi, keyin rolni Mishel gavdalantirishi haqida xabarlar tarqaldi va oxirida Sing Ngay nomi bilan ham tanilgan aktrisa Kollin Chou filmda suratga tushdi.
“Osiyo qirolichasi”
“Barchasi hamma joyda va bir vaqtning o‘zida” filmi atrofidagi shov-shuv tufayli Mishel o‘z hayotidagi katta ahamiyatga ega bo‘lgan bu loyihani kutgandek tuyulishi mumkin, biroq bu to‘g‘ri fikr emas. Aktrisa 2000-yilda ko‘plab mashhur filmlarda rol o‘ynadi. Masalan, u BAFTA mukofotiga nomzod bo‘lgan Enga Lining “Cho‘kayotgan yo‘lbars, yashirin ajdaho”, Rob Marshallning “Geyshaning xotiralari” filmidagi geysha Mameha rolini gavdalantirgan va bundan tashqari “Super otryad 2” filmida suratga tushgan. O‘sha paytda ham aktrisani “Osiyo qirolichasi” deb atashgan.
Balerina va jang san’ati ustasi
Chiroyli raqs va jang san’atining murakkab texnikasi — kimdir bir-biriga o‘xshamaydigan iste’dodlarni o‘zida birlashtirganini tasavvur qilish mumkinmi? Ha, Mishel Yeo aynan bu sifatlarga ega aktrisa hisoblanadi. U o‘z hayotini raqs bilan bog‘lashni xohladi va hatto London Qirollik raqs akademiyasiga o‘qishga kirdi, biroq u jarohati tufayli baletni tark etishga majbur bo‘ldi.
Aktrisaning bu mahorati unga katta yordam berdi. Mishel umuman maxsus jang san’ati bo‘yicha mashq qilmagan bo‘lsa-da, karyerasining boshida Gonkong jangovar filmlarida ko‘p rol o‘ynagan va hatto u yerda o‘zi ham raqs mashg‘ulotlariga tayangan holda kaskadyorlik qilgan.
.jpg)
Aktrisa Jeki Channi bilan “Politsiya hangomalari 3” va “Politsiya hangomalari” filmlarida suratga tushib, katta muvaffaqiyatlarga erishdi. Mishelning so‘zlariga ko‘ra, mashhur aktyor hatto undan “rahm-shafqat” so‘ragan, chunki aktrisa har doim ta’sirchan fikrlari bilan hayratda qoldirgan va Jeki bu borada undan o‘zib ketishi kerak bo‘lgan.
Gollivuddagi debyut
Ushbu ma’lumot haqida hamma ham bilmaydi, Jeyms suratga tushgan birinchi Amerika filmida Jeyms Bondning sevgilisi rolini ijro etgan. U 1999-yilda suratga olingan kinokartinada May Ling rolini o‘ynagan va uning debyuti sensatsiya bo‘lgan. Aktrisaning ijro etgan qahramon odatiy “qiyinchilikdagi qiz” emasdi, uning o‘z rejasi bor edi va u buni amalga oshirishga harakat qilardi. Uning bu loyihadagi partnyori Pirs Brosnan bo‘lgan.
Oxirgi loyihalari
Mishel Marvelning “Shang-Chi: O‘n uzuk afsonasi” va “Barchasi hamma joyda va bir vaqtning o‘zida” filmida rol o‘ynadi va katta muvaffaqqiyatga erishdi. Aktrisa filmdagi roli uchun “Oltin globus” va “Oskar” mukofotini qo‘lga kiritdi.
.jpg)
Uning navbatdagi loyihalari qatorida “Avatar” filmining keyingi uchala qismida ishtirok etish ham bor, bu esa millionlab insonlarning e’tiborini tortadi.
Izoh (0)