Ishonish qiyin, lekin sevimli aktyorlarimiz mashhur blokbasterlarda bir necha daqiqagina o‘ynagan, ba’zan esa faqat bitta sahnada ko‘rinish bergan. Lekin hayratlanarlisi shundaki, ularning ba’zilari ekranda birgina epizodda ko‘ringani uchun “Oskar” olishga ham muvaffaq bo‘lgan.
Anjelina Joli — “Abadiylar”, ekranda 19 daqiqa
“Menga bu oilaning a’zosi bo‘lish yoqdi va undan ajralishni xohlamayman. Ammo yana Tena rolini o‘ynashdan, uning ichki dunyosi va ichki kurashlarini chuqurroq o‘rganishdan xursand bo‘laman. Bizda ming yillik materiallar mavjud. Biz Tenani istalgan davr va mamlakatda suratga olishimiz mumkin. Menga “Abadiylar” har qanday vaqtda va hatto Marvel olami filmida paydo bo‘lishi mumkinligi haqidagi fikrni yaxshi ko‘raman”.
Tom Kruz — “Omadsiz askarlar”, ekranda 9 daqiqa
Rejissor Ben Stiller shunday deydi: “Filmda Les Grossman rolini o‘ynash Tom Kruzning g‘oyasi edi. Dastlab bu personaj mavjud emasdi. Ammo Kruz: “Filmda studiya boshlig‘i yo‘q edi, men esa uni o‘ynashni istardim”, deydi. Keyin uning o‘zi bu odam qanday bo‘lishi kerakligini, shuningdek, raqs harakatlarini ham o‘ylab topdi. Esimda: Kruzni grimm qilganimizda kimdir unga bir banka diet-kola berdi, o‘sha paytda u raqsga tusha boshladi.
Tom Felton — Garri Potter haqidagi barcha filmlar, 31 daqiqa (ya’ni uning har bir filmdagi o‘rtacha ekran vaqti 4 daqiqa)
“Men davomiy suratga tushishim shart emasdi. Xogvarts uchun jang juda muhim edi, chunki uy barcha 8 qismli filmning kulminatsion nuqtasi edi, shuning uchun u barcha burchaklardan suratga olingan”.
Metyu Makkonahi — “Uoll-strit bo‘risi”, ekranda 10 daqiqa
“Men musiqani yaxshi ko‘raman va o‘z qahramonlarimni o‘ynaganimda nutq, ovoz ohangi, lug‘at va modulyatsiya orqali ularning har biriga o‘ziga xos ohang berishga harakat qilaman”.
Enn Xeteuey — “Xo‘rlanganlar”, ekranda 15 daqiqa
“O‘zimni ekranda ko‘rganimda, yig‘lab yubordim. Fantina juda achinarli edi, lekin men bunga emas, balki rolga tayyorlanganimni eslab yig‘ladim”.
Entoni Xopkins — “Qo‘zilar sukunati”, ekranda 16 daqiqa
“Men ilgari bu haqda hech qachon gapirmaganman, lekin Qirollik dramatik akademiyasida bo‘lganimda bizga Stanislavskiy usulini o‘rgatgan o‘qituvchi bor edi. U juda xarizmatik va ayni paytda dahshatli edi. U bizni tom ma’noda intellektual jihatdan ajratardi. Xullas, o‘z obrazimni yaratganimda shu ustozdan ilhomlandim. Shu payt o‘qituvchim ko‘z oldimda turardi. Film efir yuzini ko‘rgach u menga qo‘ng‘iroq qilib shunday dedi: “Toni, ijroingiz ajoyib edi. Gannibalni mendan ko‘chirganmisiz?”
Kianu Rivz — “Sen mening shubhamsan”, ekranda 15 daqiqa
“Parallel olamda o‘z versiyamni o‘ynash qiziq edi. Men Eli Vongning ashaddiy muxlisiman, u va boshqa san’atkorlar bilan ishlashdan juda mamnunman”.
Izoh (0)