Eminem va Rianna “Telba Maks: G‘azab yo‘li”, Britni Spirs va Tom Kruz “Xotiralar kundaligi” filmida rol o‘ynashini tasavvur qilolasizmi? Ammo ma’lum bo‘lishicha, ba’zi taniqli film va teleko‘rsatuvlar qahramonlarini butunlay boshqa aktyorlar o‘ynashi mumkin edi, biroq ular bu rollarni rad etishgan. Neyrotarmoq esa mashhur aktyorlar bu rollarda qanday gavdalanishini tasvirlab beradi.
Jeki Chan — “Hammasi har joyda va birdan”
“Hammasi har joyda va birdan” yozuvchi-rejissorlari Daniel Shaynert va Den Kvan dastlab bosh rol uchun Jeki Channi mo‘ljallashgan. Ammo oxir-oqibat, ular er-xotin munosabatlari yanada ishonchli bo‘ladi deb hisoblab, bosh rolni qayta ko‘rib chiqadilar. Natijada Mishel Yeo mazkur film ssenariysiga qo‘shiladi.
Jek Nikolson — “Cho‘qintirgan ota”
Dastlab Maykl Korleone rolini Jek Nikolsonga taklif qilishadi, lekin u filmning xit bo‘lishiga ishonch hosil qilgan bo‘lsa-da, rad javobini beradi.
“Men hindu hindular rolini, italiyalik esa italiyaliklar rolini o‘ynashi kerak deb o‘yladim. Maykl rolini o‘ynay oladigan ko‘plab aktyorlar bor edi, shu jumladan men ham, lekin Al Pachino haqiqiy Maykl Korleone edi”, — deydi aktyor intervyusida.
Adrien Broudi — “Uzuklar hukmdori”
“Oskar” mukofoti sovrindori aktyor Adrien Broudiga Piter Jeksonning “Uzuklar hukmdori” filmidagi xobbitlardan biri rolini taklif qilishadi. Ammo u rad etadi, chunki u filmni yaxshi tushunmaydi. Biroq Adrian filmni tomosha qilish uchun do‘sti bilan kinoteatrga borganida, bu ishidan afsuslanadi: qanday qilib u bunday rolni o‘tkazib yubordi axir!
Emma Stoun — “Menyu”
2019-yilda Emma Stoun “Menyu” nomli komedik trillerda bosh rolga taklif qilinadi. Ammo aktrisa bu rolni rad etgach, uning o‘rniga Anya Teylor-Joy filmda bosh rolni o‘ynaydi.
Ana de Armas — “Abadiylar”
Abadiylar qabilasining yetakchisi va tabib Ayak roli Salma Xayekka berilishidan oldin, kubalik-ispan aktrisasi Ana de Armas mazkur rolga taklif qilingan.
Oliviya Kuk — “Ajdaho uyi”
Alisen Xeytauer rolini ijro etgan Oliviya Kuk ham katta yoshli Renira Targaryen roli uchun kastingdan o‘tgan. Kastingda undan bir vaqtning o‘zida ikkala rolni o‘ynash so‘ralgan, u buni juda yaxshi bajargan. Ammo kasting direktori Alisenta obrazi aktrisaga ko‘proq mos keladi, degan qarorga keladi.
Eminem va Rianna — “Telba Maks: G‘azab yo‘li”
Maks va Furiosa rollari uchun ko‘plab taniqli aktyorlar ko‘rib chiqiladi — ular orasida Eminem va Rianna ham bor edi. Film rejissori Jorj Miller kasting oxirida Rianna bilan uchrashib, gaplashib ham oladi.
Miller Eminemning “8 milya” filmidagi ijrosidan ham qoyil qolgan va unga Maks rolini taklif qilgan. Ammo aktyor buni rad etadi, chunki suratga olish Avstraliyada bo‘lishi kerak edi, biroq reper uyidan uzoqqa borishni xohlamaydi.
Britni Spirs va Tom Kruz — “Xotiralar kundaligi”
Stiven Spilberg dastlab “Xotiralar kundaligi”ning rejissori bo‘lishi kerak edi va aynan u erkak roliga Tom Kruzni mo‘ljallagan. Ammo “Yura davri parki” filmini suratga olish jadvalidagi nomuvofiqlik tufayli Spilberg loyihani tark etadi. Rejissorlik kursisini Nik Kassavetes egallab, Noy roliga o‘sha paytda unchalik mashhur bo‘lmagan Rayan Goslingni taklif qiladi.
2000-yillar boshida karyerasining cho‘qqisiga chiqqan Britni Spirs Elli Xemilton roliga ko‘rib chiqiladi. Ammo kasting direktori Metyu Barri Reychel MakAdams kastingdan o‘tganidan so‘ng mazkur rolni aktrisaga berishga qaror qiladi.
Jessika Chesteyn — “Mallasoch”
Jessika Chesteyn Joys Kerol Oatesning “Mallasoch” romanining film versiyasida bosh rol uchun ko‘rib chiqilgan. Aktrisa Merilin Monro rolini o‘ynashi haqidagi xabar 2014-yilda paydo bo‘lgan. Ammo yirik striming xizmati film huquqlarni sotib olganidan so‘ng rol kubalik-ispan aktrisasi Ana de Armasga beriladi.
Izoh (0)