AQSHda 13 yoshli bola o‘zidan bir yosh katta opasini uni “bezovta qilgani” uchun pichoqlab tashladi. Bu haqda The New York Post xabar berdi.
Ma’lum qilinishicha, hodisa 11-mart kuni mahalliy vaqt bilan soat 19:00 atrofida sodir bo‘lgan. Qiz orqa, oyoq, qo‘l va yuzlaridan jarohatlar olgan. Og‘ir, ammo barqaror ahvolda bo‘lgan qiz politsiyaga ukasi uni pichoqlaganini aytgan. Ayblanuvchi esa opasi uni “bezovta qilgani” uchun pichoqlaganini ta’kidlagan.
13 yashar bola hujumdan keyin politsiyaga qo‘ng‘iroq qilib, uyga o‘g‘ri tushgani haqida yolg‘on xabar bergan. Hodisa paytida uyda ularning 8 yoshli ukasi ham bo‘lgan. Bolalarning onasi esa ishda bo‘lgan. Politsiya uyda tintuv o‘tkazgan va bola opasiga steykka mo‘ljallangan pichoq bilan hujum qilganini aniqlagan. Yoshi sababli hujumchi tajovuzda ayblanmoqda, u qo‘lga olingan.
Izoh (0)