АҚШнинг Техас штатида ота-онаси томонидан уюштирилган зиёфат чоғида уч яшар қиз тўрт ёшли опасини тасодифан отиб ўлдирди. Бу ҳақда CNN хабар берди.
Полиция маълумотига кўра, фожиа содир бўлган вақтда болалар бир хонада ёлғиз бўлган. Зиёфат сабабли уйда оиланинг қариндошлари ва дўстлари йиғилган. Уч яшар қиз хонадан ота-онасининг ўқланган қуролини топиб олган ва тасодифан опасига ўқ узиб, уни ўлдирган.
Ўқ овозини эшитган катталар хонага келиб, боладан ўқотар қуролни олиб қўйган. Улар зудлик билан полиция ва тез ёрдамни чақирган. Бироқ 12 март куни воқеа жойида ҳалок бўлган ярадор қизни шифокорлар қутқара олмаган.
“Бу яна бир боланинг ўқотар қурол билан одамга зарар етказиши ҳақидаги фожиали воқеадир”, — дейди полиция.
Ҳозирда воқеа юзасидан суриштирув ишларини олиб бормоқда. Прокурорларнинг таъкидлашича, катталарга нисбатан айблов қўйиладими ёки йўқми, ҳозирча номаълум.
Everytown Research & Policy нотижорат ташкилоти томонидан ўтказилган тадқиқот шуни кўрсатадики, 2015 йилдан 2020 йилгача АҚШда 18 ёшгача бўлган болалар томонидан тасодифий ўқотар қуролдан фойдаланишнинг 2 070 та ҳолати қайд этилган. Ушбу ҳодисалар натижасида 765 киши ҳалок бўлган ва 1 366 киши жароҳат олган.
Изоҳ (0)