Bosh prokurorning 10-martdagi buyrug‘iga asosan Sirdaryo viloyati prokurori Sanjar Mavlonov lavozimidan ozod etildi. Bu haqda Bosh prokuratura matbuot kotibi Hayot Shamsutdinov “Daryo”ga ma’lum qildi.
Sanjar Mavlonov bu lavozimga 2022-yil 30-aprel kuni tayinlangan edi. Bunga qadar Toshkent shahar Shayxontohur tumani prokurori lavozimida faoliyat olib borgan.
Idora vakilining ma’lum qilishicha, Sanjar Mavlonov o‘z xohishiga ko‘ra ishdan bo‘shagan. “Ijtimoiy tarmoqlarda Mavlonovning jinoyat ustida qo‘lga olingan bo‘lishi mumkinligi haqidagi xabarlar haqiqatga to‘g‘ri kelmaydi”, — deydi Shamsutdinov.
Mehnat faoliyatini 2006-yilda Toshkent viloyatining Yangiyo‘l tumani prokuraturasi tergovchisi lavozimida ish o‘rganuvchilikdan boshlab, tuman prokuraturasi tergovchisi, Toshkent viloyati prokuraturasi bo‘lim katta tergovchisi, Bosh prokuratura boshqarma prokurori, katta prokurori, Yangiyer shahar prokurori, Qashqadaryo viloyati prokurorining birinchi o‘rinbosari lavozimlarida ishlagan.
Izoh (1)
тепага кутаринглар