Namangan viloyati To‘raqo‘rg‘on tumanida o‘zini to‘satdan kanalga tashlagan erkak halok bo‘ldi. Bu haqda “Bu kun” dasturida xabar berildi.
Xabarga ko‘ra, voqea To‘raqo‘rg‘on tumani “Bekobod” MFY hududidan oqib o‘tuvchi Shimoliy Farg‘ona kanali hududida sodir bo‘lgan. Mazkur hududda yaqinlari bilan ketayotgan 1969-yilda tug‘ilgan fuqaro nomaʼlum sabablarga ko‘ra o‘zini suvga tashlab yuborgan. U ko‘p suv yutib yuborishi oqibatida halok bo‘lgani aniqlangan. Hozirda holat yuzasidan surishtiruv ishlari olib borilmoqda.
“Qutqaruvchilar voqea joyiga yetib borganda kanalda bir fuqaroning oqib ketayotganini ko‘rishgan va suvga sho‘ng‘ib uning jasadini suvdan olib chiqib bergan. Hozirda huquqni muhofaza qiluvchi organlar tomonidan holat yuzasidan tergovga qadar surishtiruv ishlari amalga oshirilmoqda. Shu o‘rinda yoz fasli yaqinlashayotgani sababli fuqarolarimizdan taqiqlangan joylarda cho‘milmaslikni, daryo bo‘ylari, kanal bo‘ylarida farzandlarni nazoratsiz qoldirmasliklarini so‘rab qolardik”, — deydi viloyat favqulodda vaziyatlar boshqarmasi matbuot kotibi.
Izoh (0)