Osiyoning eng boy odami Mukesh Ambani Coca-Cola bilan raqobatlashgan va Hindiston bozorining katta qismini egallagan mashhur Campa Cola soda brendini qayta ishga tushirish rejasini e’lon qildi. Bu haqda CNN xabar berdi.
Ambani’s Reliance Group Hindistonda Campa Cola’ni uch xil ta’mlarda, jumladan standart kola, limonad va apelsin ta’mida qayta ishga tushirishini e’lon qildi.
“Campa’ni yangi ko‘rinishda taqdim etish turli avlod iste’molchilarini haqiqiy ramziy brendni qabul qilishiga va ichimliklar segmentida yangi hayajon uyg‘otishiga umid qilamiz”, — dedi kompaniya matbuot xizmati.
Campa brendi Osiyo mamlakatlarida eng mashhur gazlangan ichimlik edi, ammo Amerikaning Coca-Cola va Pepsi bozorda paydo bo‘lgandan so‘ng, yetakchilik mavqeini yo‘qotgan. Bundan tashqari, Hindiston hukumati soda formulasini oshkor qilishni talab qiluvchi nizom chiqargan va bu uning do‘kon peshtaxtalaridan yo‘qolib ketishida ham rol o‘ynagan.
Campa Cola 1970-yillarda Pure Drinks Group tomonidan yaratilgan va Hindiston alkogolsiz ichimliklar sanoatida yetakchi bo‘lgan. Indira Gandi partiyasi hukumat saylovlarida mag‘lubiyatga uchragach, Coca-Cola boshqa Amerika kompaniyalari bilan birga mamlakatdan chiqarib yuborilgan. Campa Cola “Buyuk hind ta’mi” shioridan foydalanib, bozorda o‘z o‘rnini to‘ldirgan.
Keyinchalik, 1990-yillarda xorijiy korporatsiyalar alkogolsiz ichimliklar bozoriga qaytganidan so‘ng, hind ichimligining mashhurligi pasayib ketgan va 2000-2001-yillarda Dehlidagi ichimlik quyish zavodi va ofislari yopilgan. 2022-yilda brend Reliance Industries tomonidan 2,8 million dollarga sotib olingan.
Forbes ma’lumotiga ko‘ra, Osiyoning eng boy odami Mukesh Ambanining boyligi 83,5 milliard dollarni tashkil qiladi, u dunyo milliarderlari ro‘yxatida 9-o‘rinda turadi.
Izoh (0)