Осиёнинг энг бой одами Мукеш Амбани Coca-Cola билан рақобатлашган ва Ҳиндистон бозорининг катта қисмини эгаллаган машҳур Campа Cоla сода брендини қайта ишга тушириш режасини эълон қилди. Бу ҳақда CNN хабар берди.
Аmbani's Reliancе Group Ҳиндистонда Campа Cоla'ни уч хил таъмларда, жумладан стандарт кола, лимонад ва апелсин таъмида қайта ишга туширишини эълон қилди.
“Campа'ни янги кўринишда тақдим этиш турли авлод истеъмолчиларини ҳақиқий рамзий брендни қабул қилишига ва ичимликлар сегментида янги ҳаяжон уйғотишига умид қиламиз”, — деди компания матбуот хизмати.
Campа бренди Осиё мамлакатларида энг машҳур газланган ичимлик эди, аммо Американинг Coca-Cola ва Pepsi бозорда пайдо бўлгандан сўнг, етакчилик мавқеини йўқотган. Бундан ташқари, Ҳиндистон ҳукумати сода формуласини ошкор қилишни талаб қилувчи низом чиқарган ва бу унинг дўкон пештахталаридан йўқолиб кетишида ҳам рол ўйнаган.
Campа Cоlа 1970 йилларда Oure Drinks Group томонидан яратилган ва Ҳиндистон алкоголсиз ичимликлар саноатида етакчи бўлган. Индира Ганди партияси ҳукумат сайловларида мағлубиятга учрагач, Coca-Cola бошқа Америка компаниялари билан бирга мамлакатдан чиқариб юборилган. Campa Cola “Буюк ҳинд таъми” шиоридан фойдаланиб, бозорда ўз ўрнини тўлдирган.
Кейинчалик, 1990 йилларда хорижий корпорациялар алкоголсиз ичимликлар бозорига қайтганидан сўнг, ҳинд ичимлигининг машҳурлиги пасайиб кетган ва 2000-2001 йилларда Деҳлидаги ичимлик қуйиш заводи ва офислари ёпилган. 2022 йилда бренд Reliancе Industries томонидан 2,8 миллион долларга сотиб олинган.
Forbes маълумотига кўра, Осиёнинг энг бой одами Мукеш Амбанининг бойлиги 83,5 миллиард долларни ташкил қилади, у дунё миллиардерлари рўйхатида 9-ўринда туради.
Изоҳ (0)