Buxoro viloyati Peshku tumanida o‘z uyida fohishaxona tashkil qilgan erkak ushlandi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, Peshku tumani “Malishoyak” mahallasida yashovchi, 1981-yilda tug‘ilgan S.SH. ismli erkak tumanning “Yangibozor” mahallasidagi o‘zi yashab kelayotgan xonadonda fohishaxona tashkil qilgan. U begona shaxslarning jinsiy aloqa qilishlari uchun muayyan sharoit yaratib, buning evaziga moddiy manfaat ko‘rib kelgan.
Jumladan, 2023-yil 6-mart kuni I.H. ismli erkak va H.M. ismli ayolning jinsiy aloqada bo‘lishi uchun shart-sharoit yaratib, evaziga 40 000 so‘m miqdoridagi pullarni olgan. U “mijozlarga” uyni bo‘shatib, bu faoliyatdan daromad olgan va fohishaxona tashkil etish va saqlash jinoyatini sodir qilgan.
Mazkur holat yuzasidan tuman IIB tergov bo‘limi tomonidan Jinoyat kodeksining 131-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)