Buxoro shahrida fohishaxona tashkil qilgan 4 nafar ayol qo‘lga olindi. Bu haqda viloyat ichki ishlar boshqarmasi axborot xizmati xabar berdi.
Xabarga ko‘ra, viloyat Ichki ishlar boshqarmasi xodimlari tomonidan Buxoro shahar hududida fohishaxona saqlash bilan bog‘liq jinoiy holatlar oldini olish va unga qarshi kurashish borasida o‘tkazilgan tezkor tadbirlar davomida bir nechta holatlarda fohishaxona tashkil qilingani aniqlangan.
Xususan, 4-fevral kuni soat 15:00 larda bir ayol o‘zi yashaydigan Turdi Farog‘iy ko‘chasidagi xonadonda begona ayol va erkakning jinsiy aloqa qilishi uchun sharoit yaratib berib, buning evaziga 700 ming so‘m pul olgan holda fohishaxona tashkil qilgani fosh etildi.
Shuningdek, 5-fevral kuni Buxoro tumani Nometan qishlog‘ida yashovchi 2000-yilda tug‘ilgan ayol ijarada yashab kelayotgan Buxoro shahri Alpomish ko‘chasida joylashgan uyda bir erkak bilan ayolning jinsiy aloqada bo‘lishi uchun xonadonning xonasini bo‘shatib berib, 100 ming so‘m miqdordagi pullarni olgani aniqlandi.
6-fevral kuni 16:00 larda bir ayol o‘zining ijarada yashab kelayotgan xonadanida bir ayol va erkakning jinsiy aloqa qilishi uchun alohida xona ajratib, shart-sharoit yaratib berib, evaziga 150 ming so‘m miqdordagi naqd pullarni olib, fohishaxona tashkil qilgani aniqlangan.
Bundan tashqari, 7-fevral kuni 15:00 larda bir ayol o‘zi ijarada yashaydigan uyda boshqa bir ayol va erkakning jinsiy aloqa qilishi uchun ushbu uyning bir xonasini ajratib berib, buning evaziga 200 ming so‘m olib, fohishaxona tashkil etgani aniqlangan.
Mazkur holatlar yuzasidan Buxoro shahar ichki ishlar organlari faoliyatini muvofiqlashtirish boshqarmasi tomonidan Jinoyat kodeksining 131-moddasi 2-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.
Izoh (0)