O‘zbekiston 2023-yilning yanvar oyida xorijdan qiymati 13 mln dollarga teng bo‘lgan 389 dona elektromobil import qilgan. Bu haqda Davlat statistika agentligi xabar bermoqda.
Ma’lumotlarga ko‘ra, yanvar oyida 6 ta mamlakatdan elektromobil olib kelingan.
Elektromobillar importi 2022-yilning mos davri bilan solishtirilganda 266 taga oshgan. 2022-yilning dekabr oyida esa 268 dona elektromobil olib kelingan.
Shuningdek, O‘zbekiston joriy yilning yanvar oyida eng ko‘p elektromobil import qilgan davlatlar orasida Xitoy yetakchilik qilmoqda — 346 dona.
Ikkinchi o‘rinda 29 dona elektromobil bilan Gonkong qayd etilgan bo‘lsa, Germaniya uchinchi bo‘lgan — 8 dona. BAAdan esa 3 dona elektromobil olib kelingan.
2022-yilda xorijdan qiymati 69,8 mln dollarga teng bo‘lgan 2 180 dona elektromobil import qilingan edi. Bu 2021-yildagi ko‘rsatkichdan 1371 taga ko‘p.
Avvalroq Jizzaxda elektromobil ishlab chiqarish yo‘lga qo‘yilishi haqida xabar berilgandi.
Izoh (0)