Shavkat Mirziyoyev raisligidagi yig‘ilishda bir oy muddatda 2023-yilda sanoatni 14 foizga oshirish bo‘yicha sanoat va investitsiya dasturlarini qayta ko‘rib chiqish vazifasi qo‘yildi.
Qayd etilishicha, Samarqandda mineral o‘g‘it, Navoiyda quruq sianid tuzi va texnik gaz ishlab chiqarish loyihalarini tezlashtiriladi. 1-iyunga qadar Pistali konida 6-gidrometallurgiya zavodini ishga tushiriladi.
Shuningdek, avgust oyida “Yoshlik-1” mis koni negizida 3-misni boyitish fabrikasi loyihasini yakunlashni ta’minlash topshirilgan. Avtomobilsozlik tarmog‘ida o‘sishni ta’minlash uchun ham qator vazifalar belgilangan.
Xususan, 1-sentabrga qadar xususiy investorlarni jalb qilib, Jizzaxda elektromobil ishlab chiqarishni yo‘lga qo‘yiladi. Andijonda zamonaviy quyuv sexini, Chirchiqda qishloq xo‘jaligi mashinasozlik klasteri to‘liq quvvatga chiqariladi.
Izoh (0)