Vengriyada 40 dan ortiq avtomobil to‘qnashib ketdi, ularning 19 tasi yonib ketdi. Bu haqda Associated Press xabar berdi.
Yo‘l transport hodisasida 5 ta yuk mashinasi va 37 yengil avtomobil ishtirok etgan. Avariya oqibatda 36 kishi jarohatlangan, ular kasalxonaga olib ketilgan. Shifokorlar 13 kishining jarohatini og‘ir deb baholamoqda.
Mashinalar to‘qnashishi ortidan 19 ta avtomobil yonib ketgan. Favqulodda holatga yo‘ldagi qum bo‘roni sabab bo‘lgan. Katta tezlikda ketayotgan haydovchilar oldilaridagi mashinalarni ko‘rmasdan bir-birini urib yuborgan.
Jarohatlanganlarning o‘n nafari bolalar. Voqea sodir bo‘lganidan keyin politsiya ikki yo‘nalishda katta yo‘lni to‘sib qo‘ygan.
Izoh (0)