Afg‘onistonning Mozori Sharif shahridagi madaniyat markazida jurnalistlar uchun tashkillashtirilgan tadbirda xudkush terrorchi o‘zini portlatdi. Bu haqda Hasht-e Subh Daily xabar berdi.
“Mozori Sharifdagi Eronning Tabyan madaniyat markazida portlash yuz berdi. Afsuski, besh jurnalist va uch bola jarohat oldi. Yaradorlarning ahvoli qoniqarli”, — degan Balx xavfsizlik xizmati vakili Muhammad Osif Vaziriy.
Keyinchalik Afg‘oniston Jurnalistlar markazi (AFJC) 30 ga yaqin kishi jarohatlangani, 3 kishi halok bo‘lganini ma’lum qilgan. Jurnalistlarga bag‘ishlangan tadbirda mahalliy amaldorlar va jurnalistlar yig‘ilgan. Portlash uchun javobgarlikni hech qaysi tashkilot o‘z zimmasiga olmagan.
BMT Inson huquqlari kengashining Afg‘oniston bo‘yicha maxsus ma’ruzachisi Richard Bennet hodisa sababli jurnalistlarni qo‘llab-quvvatlashni kuchaytirishga chaqirgan.
Izoh (0)