O‘zbekiston prezidenti huzuridagi Strategik islohotlar agentligi qaroriga ko‘ra, 10-mart kuni Shuhrat Xudoyqulov Uzbekistan Airways AJ boshqaruv raisi etib tayinlandi. Bu haqda aviakompaniya matbuot xizmati xabar berdi.
Shuhrat Xudoyqulov 1984-yil 26-iyul kuni Urganch shahrida tug‘ilgan. Sankt-Peterburg davlat fuqaro aviatsiyasi universitetining “Aviatsiya tashuvlarini tashkil etish” mutaxassisligini tamomlagan. U 2006-yil “O‘zbekiston havo yo‘llari” MAK jamoasiga kelib qo‘shilgan va o‘z faoliyatini Toshkent xalqaro aeroportining aviatashuvlarini tashkil etish agenti sifatida boshlagan. 2006—2019-yillar oralig‘ida “O‘zbekiston havo yo‘llari” MAKda turli lavozimlarda, jumladan, aviakompaniyaning xorijdagi vakolatxonalari, milliy aviakompaniyaning sotuvlar departamenti direktori sifatida faoliyat yuritgan.
Shuhrat Xudoyqulov 2019-yildan Uzbekistan Airways’da tijorat va turizm bo‘yicha boshqaruv raisi o‘rinbosari lavozimida faoliyat yuritib kelayotgandi.
Eslatib o‘tamiz, 2021-yil fevralda transport vaziri etib tayinlangan Ilhom Mahkamov Uzbekistan Airways rahbari bo‘lgandi.
Izoh (0)