Ўзбекистон президенти ҳузуридаги Стратегик ислоҳотлар агентлиги қарорига кўра, 10 март куни Шуҳрат Худойқулов Uzbekistan Airways АЖ бошқарув раиси этиб тайинланди. Бу ҳақда авиакомпания матбуот хизмати хабар берди.
Шуҳрат Худойқулов 1984 йил 26 июль куни Урганч шаҳрида туғилган. Санкт-Петербург давлат фуқаро авиацияси университетининг “Авиация ташувларини ташкил этиш” мутахассислигини тамомлаган. У 2006 йил “Ўзбекистон ҳаво йўллари” МАК жамоасига келиб қўшилган ва ўз фаолиятини Тошкент халқаро аэропортининг авиаташувларини ташкил этиш агенти сифатида бошлаган. 2006—2019 йиллар оралиғида “Ўзбекистон ҳаво йўллари” МАКда турли лавозимларда, жумладан, авиакомпаниянинг хориждаги ваколатхоналари, миллий авиакомпаниянинг сотувлар департаменти директори сифатида фаолият юритган.
Шуҳрат Худойқулов 2019 йилдан Uzbekistan Airways’да тижорат ва туризм бўйича бошқарув раиси ўринбосари лавозимида фаолият юритиб келаётганди.
Эслатиб ўтамиз, 2021 йил февралда транспорт вазири этиб тайинланган Илҳом Маҳкамов Uzbekistan Airways раҳбари бўлганди.
Изоҳ (0)