O‘zbekistonda qurilish ishlari hajmi 2022-yilning 11 oylik yakunlari bo‘yicha 115,1 trillion so‘mga (10,1 milliard dollar) yetdi.
Qayd etilishicha, so‘nggi yillarda Shavkat Mirziyoyevning qurilish sohasini isloh qilish bo‘yicha 27 ta farmon va qarori, hukumatning 24 ta qarori qabul qilindi.
Bundan tashqari, O‘zbekistonda qurilish tarmog‘ini modernizatsiya qilish, jadal va innovatsion rivojlantirishning 2021–2025-yillarga mo‘ljallangan strategiyasi va uni amalga oshirish bo‘yicha yo‘l xaritasi tasdiqlandi.
O‘zbekistonda o‘tgan 5 yil mobaynida shahar, shaharchalar va qishloq aholi punktlari bo‘yicha jami 1277 ta shaharsozlik hujjati, jumladan, 190 ta bosh reja, 1087 ta qishloq (ovullar), mahalla fuqarolar yig‘inlarining bosh reja loyihalari bilan bir vaqtda, batafsil rejalashtirish loyihalari ishlab chiqildi. Birgina 2022-yilda yana 140 ta aholi punktining me’moriy hujjati qabul qilindi.
Bu boradagi davlat muhim yutuqlaridan biri sifatida, 2023—2027-yillarga mo‘ljallangan shahar, shaharchalar, qishloq va ovullarning bosh rejasini ishlab chiqish bo‘yicha dastur shakllantirildi. Endilikda mazkur dastur asosida 19 ta shahar va 222 ta shaharcha bosh rejasi, 184 hududning master rejasi hamda 504 ta qishloqning bosh rejasini ishlab chiqishni maqsad qilgan.
Prezidentning 2022-yil 25-oktabrdagi “2022—2023-yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida”gi qarori qabul qilindi. Bunda jami 5284 mahalladagi 6007 ta ijtimoiy soha va infratuzilma obyektida qurilish-ta’mirlash ishlarini bajarishni rejalashtirilgan.
O‘zbekiston arxitektorlari Turkiya, Yaponiya, Janubiy Koreya kabi rivojlangan davlatlardagi hamkasblari bilan birgalikda tajriba almashib, qurilish sohasiga doir ilg‘or texnologiyalarni o‘zlashtirib kelmoqda.
Izoh (0)