Bosh vazir nomzodini ko‘rib chiqish Qonunchilik palatasi vakolatiga o‘tkazilmoqda

Konstitutsiyaviy qonun loyihasida bosh vazir nomzodini ko‘rib chiqishni Qonunchilik palatasi vakolatiga o‘tkazish belgilanmoqda.

Qayd etilishicha, Davlat budjeti ijrosini nazorat qilish, Hisob palatasining hisobotini ko‘rib chiqish kabi vakolatlar bevosita xalq tomonidan to‘g‘ridan to‘g‘ri saylanadigan Qonunchilik palatasi vakolatiga o‘tkazilmoqda.

Amaldagi tartibga ko‘ra, bosh vazir nomzodini ko‘rib chiqish faqat Qonunchilik palatasiga saylovda eng ko‘p ovoz olgan partiya yoki partiyalar irodasiga bog‘langandi. 

Yangi taklif etilayotgan tartib orqali esa barcha siyosiy partiyalar fraksiyalarining nafaqat bosh vazir nomzodini ko‘rib chiqishda, balki butun hukumatni shakllantirishdagi ishtiroki ta’minlanadi.

Faoliyati qoniqarsiz deb topilgan vazirni lavozimidan ozod etish bo‘yicha Qonunchilik palatasining prezidentga taklif kiritish huquqining belgilanayotgani hukumat a’zolarining xalq vakillari oldidagi hisobdorligini yanada oshirishga xizmat qiladi.