Konstitutsiyaviy qonun loyihasi turli ekspertizalardan, jumladan lingvistik, yuridik, gender-huquqiy, korrupsiyaga qarshi, jamoatchilik hamda inson huquqlari bo‘yicha normalarga muvofiqligi bo‘yicha ekspertizalardan o‘tkazildi.
Ayni vaqtda Oliy Majlis Qonunchilik palatasining navbatdagi majlisida “O‘zbekiston Respublikasi Konstitutsiyasi to‘g‘risida”gi konstitutsiyaviy qonuni loyihasi muhokamasi boshlandi. Muhokamalarda olimlar, yoshlar, o‘qituvchilar, tibbiyot xodimlari, tadbirkorlar, fuqarolik jamiyati instituti vakillari, xorijdagi vatandoshlar ishtirok etib, o‘z taklif va fikr-mulohazalarini bildirdi.
Tahlillarga ko‘ra, takliflarda fuqarolar inson huquqlarini taʼminlash, fuqarolarning shaʼni va qadr-qimmatini himoya qilish, ijtimoiy himoyani kuchaytirish, taʼlim va ilm-fan sohalarini taraqqiy ettirish, xususiy mulk daxlsizligini yanada mustahkamlash, fuqarolik jamiyati institutlarining rolini oshirish, atrof-muhitni muhofaza qilish, davlat hokimiyati va boshqaruvi organlarining vakolatlarini aniqlashtirish bilan bog‘liq masalalarga ahamiyat qaratgan. Qolaversa, xorijiy mamlakatlardagi vatandoshlar bilan videokonferensaloqa orqali onlayn muhokama tashkil etildi hamda ularning Konstitutsiyaviy qonun loyihasi yuzasidan takliflari olindi.
Shu bilan birga, Konstitutsiyaviy islohotlarning mazmun-mohiyati yuzasidan AQSH, Buyuk Britaniya, Shveysariya, Polsha, Yaponiya, Koreya, Hindiston kabi davlatlarda konferensiya va davra suhbatlari o‘tkazilib, unda ishtirok etgan siyosiy doira vakillari va yetakchi ekspertlar o‘z takliflarini bildirdi.
Bundan tashqari, Konstitutsiyaviy qonun loyihasi turli ekspertizalardan, jumladan lingvistik, yuridik, gender-huquqiy, korrupsiyaga qarshi, jamoatchilik hamda inson huquqlari bo‘yicha normalarga muvofiqligi bo‘yicha ekspertizalardan o‘tkazildi.
Izoh (0)