O‘zbekiston va Yevropa Ittifoqi kengaytirilgan sheriklik hamda hamkorlik to‘g‘risidagi bitimni imzolash uchun qo‘shma chora-tadbirlar ko‘rishga tayyor ekanligini tasdiqladi.
TIV matbuot xizmatining xabar qilishicha, 9-mart kuni Yevropa Ittifoqi—Markaziy Osiyo fuqarolik jamiyati forumida ishtirok etish uchun Toshkentga kelgan Yevropa Ittifoqining Markaziy Osiyo bo‘yicha maxsus vakili Teri Xakalani qabul qildi.
Muloqot chog‘ida 2022-yilda oliy va yuqori darajada o‘tkazilgan ikki tomonlama va mintaqalararo tadbirlar yakunlari muhokama qilindi. O‘zbekiston bilan Yevropa Ittifoqi o‘rtasidagi hamkorlikni barcha sohalarda yanada mustahkamlash istiqbollari ko‘rib chiqildi.
Tomonlar O‘zbekiston va Yevropa Ittifoqi o‘rtasida kengaytirilgan sheriklik hamda hamkorlik to‘g‘risidagi bitimni tez fursatlarda imzolash uchun qo‘shma chora-tadbirlar ko‘rishga tayyor ekanliklarini tasdiqladi.
Eslatib o‘tamiz, Yevropa Ittifoqi—Markaziy Osiyo formatidagi forum Toshkent shahrida 10-mart kuni bo‘lib o‘tadi.
Izoh (0)