Toshkent shahrida 10-mart kuni Yevropa Ittifoqi—Markaziy Osiyo formatidagi forum bo‘lib o‘tadi. Bu haqda Tashqi ishlar vazirligi axborot xizmati xabar berdi.
Qayd etilishicha, vazirlikda Yevropa ittifoqi delegatsiyasi rahbari, elchi Sharlotta Adrian bilan uchrashuv bo‘lib o‘tgan. Uchrashuvda O‘zbekiston va Yevropa ittifoqi o‘rtasidagi hamkorlikning bugungi holati va uni rivojlantirish istiqbollari, ikki tomonlama hamda mintaqalararo shaklda bo‘lajak tadbirlar muhokama qilingan.
Jumladan, Yevropa Ittifoqi—Markaziy Osiyo fuqarolik jamiyati 4-forumining tashkiliy jihatlari xususida atroflicha fikr almashilgan. Yevropa tomoni ushbu tadbirni tashkil etishda ko‘rsatgan yordami uchun O‘zbekistonga minnatdorlik bildirdi. Uchrashuv yakunlari bo‘yicha hamkorlikdagi ishlarni davom ettirish bo‘yicha kelishuvga erishilgan.
Izoh (0)