Toshkentda yana 20 ta katta sig‘imli MAN avtobuslari yo‘lovchilarni tashishni boshlaydi

“Toshshahartransxizmat” harakat tarkibi katta sig‘imli avtobuslar bilan yangilanmoqda, deb xabar beradi aksiyadorlik jamiyati matbuot xizmati.

Qayd etilishicha, Truck and bus trade group MCHJ bilan tuzilgan shartnomaga asosan 27-28-fevral kunlari MAN A22 CNG rusumli avtobuslarning navbatdagi 20 donasi ”Toshshahartransxizmat“ AJ tasarrufiga topshirilgan. Mazkur avtobuslardan samarali foydalanish maqsadida xarid qilingan MAN rusumli avtobuslar quyidagi yo‘nalishlarda xizmat ko‘rsatish uchun biriktirilgan:

• 1 donasi — “2-Avtobus saroyi” filialiga biriktirilgan 17-sonli Ahmad Yugnakiy mavzesi—Chorsu savdo markazi;
• 1 donasi — “2-Avtobus saroyi” filialiga biriktirilgan 63-sonli Qorasuv 1-mavzesi—Yunusobod mebel do‘koni;
• 1 donasi — “2-Avtobus saroyi” filialiga biriktirilgan 89-sonli Qorasuv 1-mavzesi—Chorsu savdo markazi;
• 1 donasi — “2-Avtobus saroyi” filialiga biriktirilgan 96-sonli Yunusobod 9-dahasi—Mashinasozlar metrosi;
• 2 donasi — “7-Avtobus saroyi” filialiga biriktirilgan 13-sonli Izza mavzesi—Toshkent MUM;
• 1 donasi — “7-Avtobus saroyi” filialiga biriktirilgan 41-sonli Chilonzor mavzesi 25-daha—Chilonzor buyum bozori;
• 2 donasi — “7-Avtobus saroyi” filialiga biriktirilgan 69-sonli Karvon bozori bekati—Toshkent vokzali;
• 5 donasi — “18-Avtobus saroyi” filialiga biriktirilgan 85-sonli Qora qamish 2/4 mavzesi—Toshkent MUM;
• 2 donasi — “8-Avtobus saroyi” filialiga biriktirilgan 67-sonli Yunusobod 19-dahasi—Xalqaro aeroport-2;
• 1 donasi — “8-Avtobus saroyi” filialiga biriktirilgan 91-sonli Yunusobod 15-dahasi—Ko‘kcha masjidi bekati;
• 2 donasi - “8-Avtobus saroyi” filialiga biriktirilgan 95-sonli Yunusobod 15-dahasi—Aviasozlar
• 1 donasi - “8-Avtobus saroyi” filialiga biriktirilgan 118-sonli Chilonzor buyum bozori—O‘zposlsavdo.

Ma’lumot uchun, 2023-yil 16-fevraldagi “Jamoat transporti tizimini isloh qilish chora-tadbirlari to‘g‘risida”gi prezident qaroriga asosan, Toshkent shahri jamoat transporti uchun 200 dona 18 metrli va 500 dona 12 metrli tabiiy gazda ishlaydigan avtobuslar hamda 300 dona 12 metrli elektrobuslar xarid qilish belgilangan.

Avvalroq Xitoyning Yutong Bus Co Ltd kompaniyasi va “Toshshahartransxizmat” o‘rtasida tuzilgan shartnomaga asosan, 2023-yilning mart oyi yakuniga qadar Yutong avtobuslarning 1-partiyasi, ya’ni, 110 dona avtobus va 150 dona elektrobuslar O‘zbekistonga yetkazib berilishi kutilayotgani to‘g‘risida xabar berilgandi.