Afg‘onistonning Nimro‘z viloyatidagi mahalliy manba Eron chegarachisi “Tolibon” kuchlari tomonidan hibsga olinib, kaltaklanganini ma’lum qildi. Bu haqda Hasht-e Subh Daily xabar berdi.
Ma’lum qilinishicha, Eron chegarachisi afg‘on haydovchisi bilan noto‘g‘ri munosabatda bo‘lgani uchun 27-fevral kuni hibsga olingan. Jumladan, chegarachi Ipak ko‘prigi chegarasida afg‘on haydovchisini kaltaklagani aytilmoqda. Nimro‘zdagi “Tolibon” manbasi Hasht-e Subh Daily nashriga chegarachi hozir ularning asirligida ekanini tasdiqlagan.
Etilaatroz nashri chegarachini afg‘on politsiyasi “Tolibon”ga topshirgani, Eron fuqarosi hozirda qamoqqa olinganini aytmoqda.
Eslatib o‘tamiz, 20-fevral kuni Afg‘oniston va Pokiston chegarasidagi Torxam nazorat-o‘tkazish punktida “Tolibon” jangchilari va Pokiston harbiylarining qurolli to‘qnashuvi yuz bergandi. Tomonlar bir-birini og‘ir va yengil qurollardan nishonga olgan. Ikki tomon o‘rtasidagi qurolli to‘qnashuv “Tolibon” jangchilari Pokiston harbiy postlaridan biriga yaqinlashganidan keyin boshlangan. Tarmoqlarda to‘qnashuv aks etgan kadrlar namoyish qilingan.
Izoh (0)