AQSH razvedkasi Putinni kelajakda nimalar kutishini prognoz qildi

AQSH Markaziy razvedka boshqarmasi (MRB) direktori Uilyam Berns Rossiya prezidenti Vladimir Putin armiyasining Ukrainani o‘ziga bo‘ysuntirish qobiliyatiga “juda ishonganini” aytib, Putinni kelajakda nimalar kutayotganini prognoz qildi. Bu haqda Associated Press xabar berdi.

“O‘ylaymanki, Putin hozir Ukrainani yo‘q qilish qobiliyatiga haddan tashqari ishonadi”, — deb tushuntirdi Berns.

AQSH razvedka direktori Putin ma’lum vaqtda oshib borayotgan xarajatlarga duсh kelishini ta’kidladi. Rossiya rahbari urushda halok bo‘lgan rus askarlari tobuti Rossiyaning eng qashshoq hududlariga qaytarilishi bilan yuzlashishi aytildi.

Markaziy razvedka boshqarmasi ma’lumotlariga ko‘ra, aynan o‘sha yerdan ko‘p odamlar urushga safarbar qilingan, ular tirik qurbon sifatida jang maydoniga tashlangan. Bernsning ta’kidlashicha, Putin qurbonlar, taktik kamchiliklar va Rossiya iqtisodi va obro‘siga putur yetganiga qaramay, urushni davom ettiradi.

Rossiya prezidenti AQSHning Ukrainani qo‘llab-quvvatlashga bo‘lgan qat’iyatini past baholayotganini ta’kidladi. Berns Putin amerikaliklarning “diqqatini jalb qilishda” “muammosi” bor deb hisoblashini va AQSH keyinchalik e’tiborini “boshqa masalaga qaratishiga” ishonishini aytib, bu fikrni rad etdi.