Dog‘istonning Maxachqal’a shahrida “Jomi” dam olish maskani hududida qurilish ishlari davomida 18 kishining suyak qoldiqlari topildi. Bu haqda “Komsomolskaya pravda” xabar berdi.
Dog‘iston bo‘yicha Tergov qo‘mitasining tergov boshqarmasiga ko‘ra, suyak qoldiqlari Stalin qatag‘onlari yillariga taalluqli bo‘lishi mumkin. Ommaviy qabr aniqlanganidan so‘ng voqea joyiga politsiya chaqirilgan. Bosh suyagida teshiklar qayd etilgan, ehtimol bunga o‘qlar sabab bo‘lgan bo‘lishi mumkin.
“Politsiyaga qurilish ishlari olib borilayotganda ommaviy qabr aniqlangani haqida xabar kelib tushdi. Ma’lumotlar tegishli bo‘limlarga yuboriladi”, — degan “KP-Shimoliy Kavkaz” respublika Ichki ishlar vazirligi matbuot xizmati.
Dastlabki ma’lumotlarga ko‘ra, 18 kishining jasadi 1930-yillardagi qatag‘on qurbonlariga tegishli bo‘lishi mumkin. Dafn qilishning aniqroq vaqtini hali mutaxassislar aniqlagani yo‘q. Ayni damda ommaviy qabr topilgan joyda huquq-tartibot idoralari vakillari ishlamoqda.
Izoh (0)