Доғистонда қатағон давридаги 18 кишининг суяк қолдиғи топилди. Бош суягида тешиклар аниқланган (фото)
Доғистоннинг Maxачқалъа шаҳрида “Жоми” дам олиш маскани ҳудудида қурилиш ишлари давомида 18 кишининг суяк қолдиқлари топилди. Бу ҳақда “Комсомолская правда” хабар берди.
Доғистон бўйича Тергов қўмитасининг тергов бошқармасига кўра, суяк қолдиқлари Сталин қатағонлари йилларига тааллуқли бўлиши мумкин. Оммавий қабр аниқланганидан сўнг воқеа жойига полиция чақирилган. Бош суягида тешиклар қайд этилган, эҳтимол бунга ўқлар сабаб бўлган бўлиши мумкин.
“Полицияга қурилиш ишлари олиб борилаётганда оммавий қабр аниқлангани ҳақида хабар келиб тушди. Маълумотлар тегишли бўлимларга юборилади”, — деган “КП-Шимолий Кавказ” республика Ички ишлар вазирлиги матбуот хизмати.
Дастлабки маълумотларга кўра, 18 кишининг жасади 1930 йиллардаги қатағон қурбонларига тегишли бўлиши мумкин. Дафн қилишнинг аниқроқ вақтини ҳали мутахассислар аниқлагани йўқ. Айни дамда оммавий қабр топилган жойда ҳуқуқ-тартибот идоралари вакиллари ишламоқда.
