Samarqand tumanida qarzini so‘rab kelgan 15 yillik tanishini o‘ldirib, dalaga tashlab kelgan qassob qo‘lga tushdi. Bu haqda Ichki ishlar vazirligi axborot xizmati xabar berdi.
Xabarga ko‘ra, Kattaqo‘rg‘on shahrida yashovchi tadbirkor Samarqand shahrida yashovchi, qassoblik bilan shug‘ullanuvchi tanishidan ko‘pdan beri ololmay kelayotgan pulini olishga borgan. U ikki do‘sti bilan qassob yoniga yetib borgan. Ayblanuvchi tanishidan sheriklarini qoldirib, yolg‘iz o‘zi mashinasiga o‘tirishini so‘ragan va dala maydoniga olib borib, tanasining qorin qismiga tan jarohati yetkazgan.
U tanishini o‘ldi deb o‘ylab, voqea joyidan qochib ketgan. Jinoyati fosh bo‘lmasligi uchun qo‘lidagi pichoqni kanalga tashlab yuborgan. Tirik qolgan erkak o‘zi bilan kelgan do‘stlariga yarador yotgan joyining “lokatsiya”sini yuborgan. Do‘stlari uni topib, shifoxonaga olib borayotganda vafot etgan. Ayblanuvchining so‘zlariga ko‘ra, dastlab uni o‘ldirish emas, oyog‘iga pichoq urish maqsadi bo‘lgan. Lekin qarshilik ko‘rsatgani sababli qo‘lidagi pichoq qorin qismiga tiqilgan. Ularning o‘rtasida 110 million so‘m qarzdorlik bo‘lgan.
Holat yuzasidan Jinoyat kodeksining tegishli moddalari bilan jinoyat ishi qo‘zg‘atilgan bo‘lib, ayblanuvchiga nisbatan qamoq ehtiyot chorasi qo‘llangan. Hozirda tergov harakatlari olib borilmoqda.
Izoh (2)
bir umrga qamash kerak bu hayvonni
умрбод камок беринглар бу хароми кассобга