Самарқанд туманида қарзини сўраб келган 15 йиллик танишини ўлдириб, далага ташлаб келган қассоб қўлга тушди. Бу ҳақда Ички ишлар вазирлиги ахборот хизмати хабар берди.
Хабарга кўра, Каттақўрғон шаҳрида яшовчи тадбиркор Самарқанд шаҳрида яшовчи, қассоблик билан шуғулланувчи танишидан кўпдан бери ололмай келаётган пулини олишга борган. У икки дўсти билан қассоб ёнига етиб борган. Айбланувчи танишидан шерикларини қолдириб, ёлғиз ўзи машинасига ўтиришини сўраган ва дала майдонига олиб бориб, танасининг қорин қисмига тан жароҳати етказган.
У танишини ўлди деб ўйлаб, воқеа жойидан қочиб кетган. Жинояти фош бўлмаслиги учун қўлидаги пичоқни каналга ташлаб юборган. Тирик қолган эркак ўзи билан келган дўстларига ярадор ётган жойининг “локация”сини юборган. Дўстлари уни топиб, шифохонага олиб бораётганда вафот этган. Айбланувчининг сўзларига кўра, дастлаб уни ўлдириш эмас, оёғига пичоқ уриш мақсади бўлган. Лекин қаршилик кўрсатгани сабабли қўлидаги пичоқ қорин қисмига тиқилган. Уларнинг ўртасида 110 миллион сўм қарздорлик бўлган.
Ҳолат юзасидан Жиноят кодексининг тегишли моддалари билан жиноят иши қўзғатилган бўлиб, айбланувчига нисбатан қамоқ эҳтиёт чораси қўлланган. Ҳозирда тергов ҳаракатлари олиб борилмоқда.
Изоҳ (2)
bir umrga qamash kerak bu hayvonni
умрбод камок беринглар бу хароми кассобга