Xorazmda quvur yorilishi tufayli 2 oy davomida ichimlik suvi isrof bo‘ldi

Xorazm viloyati Yangiariq tumanida quvur yorilishi tufayli 2 oydan buyon ichimlik suvi isrof bo‘layotgani to‘g‘risida “Daryo”ga murojaat kelib tushdi.

Murojaatda aytilishicha, tumanning “Vakillar” mahallasida suv quvuri yorilgani haqida tegishli tashkilotga xabar berilgan, biroq foydasi bo‘lmagan.

Mazkur murojaat eʼlon qilingandan so‘ng “Xorazm suv taʼminoti” masʼuliyati cheklangan jamiyati axborot xizmati ichimlik suv tarmog‘idagi ushbu avariya tez fursatda bartaraf etilganini maʼlum qildi.