Vazirlar Mahkamasining ijro etuvchi tuzilmasi yangidan tasdiqlangani hamda boshqa ishga o‘tishlari munosabati bilan qator xodimlar lavozimidan ozod qilindi, deb xabar beradi “Yangi O‘zbekiston” nashri.
Ular:
- Nodir Qosimov Vazirlar Mahkamasi Mahalla va nuroniylarni qo‘llab-quvvatlash masalalari bo‘limining mudiri lavozimidan;
- Azamat Oteuliyev Vazirlar Mahkamasi Mahalliy sanoatni rivojlantirish va kooperatsiya aloqalari masalalari kotibiyatining Maxsus iqtisodiy va kichik sanoat zonalari hamda yoshlar sanoat va tadbirkorlik zonalarini rivojlantirish masalalari shoʼbasi mudiri lavozimidan;
- Doniyor Ermatov Vazirlar Mahkamasi Taʼlim, sog‘liqni saqlash va sport masalalari kotibiyatining Bolalarni himoya qilish masalalari sho‘basi mudiri lavozimidan ozod qilindi.
2022-yil dekabr oxirlarida Shavkat Mirziyoyev “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmon va uning ijrosini samarali tashkil etish bo‘yicha qarorni imzolagandi. Unga ko‘ra, hukumatda amaldagi 8 nafar bosh vazir o‘rinbosari va 3 nafar bosh vazir maslahatchisi lavozimlaridan faqat 4 nafar bosh vazir o‘rinbosari qoldirilmoqda.
Izoh (0)