Вазирлар Маҳкамасининг ижро этувчи тузилмаси янгидан тасдиқлангани ҳамда бошқа ишга ўтишлари муносабати билан қатор ходимлар лавозимидан озод қилинди, деб хабар беради “Янги Ўзбекистон” нашри.
Улар:
- Нодир Қосимов Вазирлар Маҳкамаси Маҳалла ва нуронийларни қўллаб-қувватлаш масалалари бўлимининг мудири лавозимидан;
- Азамат Отеулиев Вазирлар Маҳкамаси Маҳаллий саноатни ривожлантириш ва кооперация алоқалари масалалари котибиятининг Maxсус иқтисодий ва кичик саноат зоналари ҳамда ёшлар саноат ва тадбиркорлик зоналарини ривожлантириш масалалари шўбаси мудири лавозимидан;
- Дониёр Эрматов Вазирлар Маҳкамаси Таълим, соғлиқни сақлаш ва спорт масалалари котибиятининг Болаларни ҳимоя қилиш масалалари шўбаси мудири лавозимидан озод қилинди.
2022 йил декабрь охирларида Шавкат Мирзиёев “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги фармон ва унинг ижросини самарали ташкил этиш бўйича қарорни имзолаганди. Унга кўра, ҳукуматда амалдаги 8 нафар бош вазир ўринбосари ва 3 нафар бош вазир маслаҳатчиси лавозимларидан фақат 4 нафар бош вазир ўринбосари қолдирилмоқда.
Изоҳ (0)