O‘zbekiston Prezidentining 22-fevraldagi qaroriga asosan polkovnik Shavkat Rahmonov ichki ishlar vazirining birinchi o‘rinbosari — Tezkor-qidiruv departamenti boshlig‘i lavozimiga tayinlandi. Bu haqda vazirlik matbuot xizmati xabar berdi.
Tayinlovga qadar Shavkat Rahmonov Namangan viloyati Ichki ishlar boshqarmasi boshlig‘i, undan oldin esa Samarqand viloyati IIB boshlig‘i lavozimlarida xizmat qilgan.
Eslatib o‘tamiz, 2022-yil oktabrda ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirilgandi. O‘shanda Qoraqalpog‘iston Respublikasi ichki ishlar vaziriga o‘rinbosar, Sirdaryo, Surxondaryo, Farg‘ona viloyatlari IIB boshliqlariga o‘rinbosarlar tayinlangandi.
Izoh (0)