Mamlakatlarning xavfsizlik indeksi e’lon qilindi: O‘zbekiston Germaniya, Rossiya va Turkiyadan oldinda

Numbeo taxliliy xizmati jinoyat darajasi bo‘yicha davlatlarning 2023-yilgi reytingini tuzdi. O‘zbekiston 142 mamlakat ichida 104-o‘rinni egalladi. 

Reytingda yuqori o‘rinni egallagan davlatlarda jinoyatchilik yuqori, quyi o‘rinlarda esa past, ammo xavfsizlik yuqori bo‘ladi. O‘zbekistonning reytingidagi jinoyatchilik indeksi 33,5 foizni, xavfsizlik indeksi esa 66,5 foizni tashkil qilgan. Indeks so‘rovlar asosida mamlakatdagi umumiy jinoyatchilik darajasini baholaydi.

Qatar dunyodagi eng xavfsiz davlat deb topilgan. Jumladan, u reytingda 142-o‘rinni qayd etgan. Mamlakatda jinoyatchilik indeksi 14,15 ballni, xavfsizlik esa 85,85 ballni tashkil qilgan. MDH davlatlari orasida Qozog‘iston (48-o‘rin), Belarus (34-o‘rin) va Qirg‘izistonda (38-o‘rin) yuqori jinoyat qayd etilgan bo‘lsa, Moldova (63-o‘rin), Rossiya (94-O‘rin) va O‘zbekiston xavfsizroq sanaladi.

"Eng jinoyatchi" davlatlar Venesuyela (1-o‘rin), Papua-Yangi Gvineya (2-o‘rin) va Afg‘oniston (3-o‘rin) hisoblangan. Qatar yana eng xavfsiz davlat deb topilgan. Reytingda Germaniya 100-o‘rinni, Turkiya esa 93-o‘rinni qayd etgan.

Ma’lumot o‘rnida, jinoyat darajasi bo‘yicha 2022 yilgi reytingida ham O‘zbekiston jinoyatchilik ko‘rsatkichida 142 ta davlat ichida 104-o‘rinni egallagandi. Jinoyatchilik indeksi 33,68 ballni, xavfsizlik esa 66,32 ballni tashkil qilgandi.