Бухоро шаҳрида фоҳишахона ташкил қилган 4 нафар аёл қўлга олинди. Бу ҳақда вилоят ички ишлар бошқармаси ахборот хизмати хабар берди.
Хабарга кўра, вилоят Ички ишлар бошқармаси ходимлари томонидан Бухоро шаҳар ҳудудида фоҳишахона сақлаш билан боғлиқ жиноий ҳолатлар олдини олиш ва унга қарши курашиш борасида ўтказилган тезкор тадбирлар давомида бир нечта ҳолатларда фоҳишахона ташкил қилингани аниқланган.
Хусусан, 4 февраль куни соат 15:00 ларда бир аёл ўзи яшайдиган Турди Фароғий кўчасидаги хонадонда бегона аёл ва эркакнинг жинсий алоқа қилиши учун шароит яратиб бериб, бунинг эвазига 700 минг сўм пул олган ҳолда фоҳишахона ташкил қилгани фош этилди.
Шунингдек, 5 февраль куни Бухоро тумани Нометан қишлоғида яшовчи 2000 йилда туғилган аёл ижарада яшаб келаётган Бухоро шаҳри Алпомиш кўчасида жойлашган уйда бир эркак билан аёлнинг жинсий алоқада бўлиши учун хонадоннинг хонасини бўшатиб бериб, 100 минг сўм миқдордаги пулларни олгани аниқланди.
6 февраль куни 16:00 ларда бир аёл ўзининг ижарада яшаб келаётган хонаданида бир аёл ва эркакнинг жинсий алоқа қилиши учун алоҳида хона ажратиб, шарт-шароит яратиб бериб, эвазига 150 минг сўм миқдордаги нақд пулларни олиб, фоҳишахона ташкил қилгани аниқланган.
Бундан ташқари, 7 февраль куни 15:00 ларда бир аёл ўзи ижарада яшайдиган уйда бошқа бир аёл ва эркакнинг жинсий алоқа қилиши учун ушбу уйнинг бир хонасини ажратиб бериб, бунинг эвазига 200 минг сўм олиб, фоҳишахона ташкил этгани аниқланган.
Мазкур ҳолатлар юзасидан Бухоро шаҳар ички ишлар органлари фаолиятини мувофиқлаштириш бошқармаси томонидан Жиноят кодексининг 131-моддаси 2-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
Изоҳ (0)