Toshkent shahri Yakkasaroy tumanida 20-fevral kuni 30 ga yaqin yigit ishtirokida ommaviy janjal sodir bo‘ldi. Bu haqda “Millar” dasturida xabar berildi.
Aniqlanishicha, yigitlarning barchasi hududdagi qurilish kompaniyasida ishlaydi. Jizzaxdan Toshkentga kelib ishlayotgan yigitlar o‘rtasidagi janjal o‘zaro kelishmovchilik sababli kelib chiqqani aytilmoqda.
Voqea joyiga huquq-profilaktika inspektori yetib kelgan. Ammo yigitlar unga faol qarshilik ko‘rsatgan. Voqea oqibatida hech kimga jiddiy tan jarohati yetkazilmagan. Hozirda 28 nafar yigit qo‘lga olingan bo‘lib, janjalning qolgan ishtirokchilari qidirilmoqda.
Jinoyat ishlari bo‘yicha Yakkasaroy tumani sudi hukmiga ko‘ra, 2 nafar huquqbuzar Ma’muriy javobgarlik to‘g‘risidagi kodeksning 194-moddasi 1-qismi hamda 195-moddasi bilan aybli deb topilib, 15 sutkadan ma’muriy qamoq jazosi tayinlangan. Janjalning qolgan ishtirokchilariga esa 10 sutkadan qamoq jazosi berilgan.
Izoh (0)