Toshkent shahri Yashnobod tumanida 19-fevral kuni erkak maktab o‘quvchisini to‘xtatib, shubhali harakat qilgani haqida xabar berilgandi. 21-fevral kuni unga nisbatan sud hukmi o‘qildi.
Erkakning ta’kidlashicha, bola shu vaqtda shoshilib yugurib ketayotgan bo‘lgan. U esa yiqilib tushmasin, degan maqsadda qo‘lidan ushlab qolgan.
“Yaxshi bola ekan. Salom ham berdi. Qayerga ketyapsan, desam, qiz o‘rtog‘imnikiga dedi. Kulgim qistab, qolgan savolni berishimga ulgurmasimdan bu yerdan ayol kishining bolani qo‘yib yubor, degan ovozi keldi. Keyin, mayli onasining nazoratida ekan deb, qo‘yib yubordim”, — deydi sudlanuvchi.
Sud hukmiga ko‘ra, erkak hududda mayda bezorilik sodir qilgan deb topildi. Ushbu harakatlari sabab Ma’muriy javobgarlik to‘g‘risidagi kodeksning 183-moddasi (Mayda bezorilik) bilan erkakka 10 sutka ma’muriy qamoq jazosi tayinlandi.
Izoh (0)