Qarshi shahrida talaba yigit yangi imoratning 10-qavatidan o‘zini tashlab, joniga qasd qilgani haqida xabar berilgandi. Bosh prokuratura matbuot xizmati holat yuzasidan qo‘shimcha ma’lumot berdi.
Qayd etilishicha, 21-fevral kuni soat 12:10 da 22 yoshli yigit ota-onasi bilan yashab kelgan uydan sababsiz chiqib, “Navo” mahallasidagi ko‘p qavatli uyning yuqori qavatidan o‘zini tashlab yuborib, o‘z joniga qasd qilgan.
Qayd etilishicha, marhum Toshkent axborot texnologiyalar universitetida sirtdan ta’lim olib kelgan. Mazkur holat yuzasidan Qarshi shahar prokuraturasi tomonidan tergovga qadar tekshirish o‘tkazilgan.
Tekshirish davomida 2019-yilda marhum yigitning ruhiyatida o‘zgarish bo‘lgani sababli klinikada davolangani, shu davrda ham o‘z joniga qasd qilishga uringani aniqlangan. Tekshirish davom etmoqda.
Izoh (0)