Тошкент шаҳри Яшнобод туманида 19 февраль куни эркак мактаб ўқувчисини тўхтатиб, шубҳали ҳаракат қилгани ҳақида хабар берилганди. 21 февраль куни унга нисбатан суд ҳукми ўқилди.
Эркакнинг таъкидлашича, бола шу вақтда шошилиб югуриб кетаётган бўлган. У эса йиқилиб тушмасин, деган мақсадда қўлидан ушлаб қолган.
“Яхши бола экан. Салом ҳам берди. Қаерга кетяпсан, десам, қиз ўртоғимникига деди. Кулгим қистаб, қолган саволни беришимга улгурмасимдан бу ердан аёл кишининг болани қўйиб юбор, деган овози келди. Кейин, майли онасининг назоратида экан деб, қўйиб юбордим”, — дейди судланувчи.
Суд ҳукмига кўра, эркак ҳудудда майда безорилик содир қилган деб топилди. Ушбу ҳаракатлари сабаб Маъмурий жавобгарлик тўғрисидаги кодекснинг 183-моддаси (Майда безорилик) билан эркакка 10 сутка маъмурий қамоқ жазоси тайинланди.
Изоҳ (0)