Kino aktyorlarning sa’y-harakatlarisiz ishlamaydi. Ishlarini 100 foiz bajarish uchun ular qattiq mehnat qilishlari kerak. Ba’zilari esa rol olish uchun katta tavakkal ham qilishadi.
Lili Kollinz “Suyakkacha” filmidagi roli uchun 9 kiloga ozadi
Film semizlikka qarshi kurashayotgan qiz haqida. Charchagan va ozib ketgan qahramonni real tasvirlash uchun shundog‘am nozik Lili Kollinz 9 kg vazn yo‘qotadi.
Qahramonning muammosi Kollinzga juda yaqin edi. Gap shundaki, aktrisaning o‘zi ham o‘smirlik davrida anoreksiya va bulimiya bilan og‘rigan. Lilining so‘zlariga ko‘ra, u yana o‘sha his-tuyg‘ularni boshdan kechirishi kerakligidan biroz xavotirda edi. Shu sababli aktrisa roliga mas'uliyat bilan yondashadi, xususan, u imkon qadar xavfsiz vazn yo‘qotishiga yordam bergan diyetologni yollaydi.
Xelli Berri “Jon Uik 3”dagi roli uchun itlarni qo‘lga o‘rgatishni o‘rganadi
Franshizaning 3-qismida Xelli Berri Jon Uikning do‘sti va ittifoqchisi rolini o‘ynaydi. Uning qahramoni malinua zotiga mansub ikkita xizmatchi it bilan birga kadrda qayta-qayta paydo bo‘ladi. Bu zot juda jiddiy, ko‘pincha hududni himoya qilishda foydalaniladi.
Itlar Berriga ishonishi va unga bo‘ysunishi uchun ayol kinoolog ishtirokida olti oy davomida har kuni 2-3 soat davomida ular bilan shug‘ullangan.
“Mendek semiz bo‘lish” filmini suratga olishda Keyli Kuoko ulkan va og‘ir kostyum kiygan
Qahramon Keyli Kuoko yozgi maktabga boradi va boshqalarga shaxsiy fazilatlar tashqi ma'lumotlardan muhimroq ekanligini isbotlash uchun “semiz” kostyum kiyib boradi. Kuoko o‘zini bu kostyumda birinchi marta ko‘rganida, yig‘lab yuboradi — unga jismoniy va ruhiy jihatdan qiyin edi.
Qaysidir paytlarda aktrisa bu obrazda bo‘lganida odamlar unga mutlaqo boshqacha munosabatda bo‘lishlarini, o‘zlarini uni sezmagandek ko‘rsatishlarini, o‘zini qo‘pol tutishlarini payqab qoladi. Intervyuda Kuoko bir lahzada u shunchaki suratga tushishdan qo‘rqayotganini anglaganini ta'kidlaydi.
Milli Bobbi Braun O‘n bir roli uchun sochini oldirgan
Milliy “Juda g‘alati ishlar” teleserialida super kuchga ega qiz rolini o‘ynaydi. Bu rol uchun yosh aktrisa deyarli kal bo‘lishi kerak edi. Ko‘pchilik uchun bu aqldan ozgandek tuyulishi mumkin, chunki uzun sochlar har qanday qizni bezaydi, deb qabul qilinadi. Biroq Braunning o‘zi bu haqda umuman tashvishlanmaydi. Aksincha, u bu tajribani hayotidagi eng ilhomlantiruvchi tajribalardan biri deb ataydi.
Amanda Seyfrid bitta sahnani taxminan 200 marta ijro etgan
“Mank” filmida Amanda Seyfrid eski Gollivud ilhom parisi Marion Devis rolini o‘ynaydi. Film rejissori o‘zining perfeksionizmi bilan mashhur bo‘lgan Devid Fincher edi.
Intervyuda Amanda bir sahna 200 marta qayta suratga olinganini aytadi. Gap shundaki, o‘sha sahnada aktrisaning bir og‘iz ham gapi yo‘q edi.
Qora bevaning kostyumi shunchalik tor ediki, Skarlett Yoxansson gallyutsinatsiyani boshdan kechiradi
Qora beva zamonaviy Marvel kinoolamidagi birinchi superqahramon edi. Kostyumining tashqi soddaligiga qaramay (oddiy ko‘rinishdagi kombinezon), Yoxanssonga juda qiyin bo‘ladi. Kiyim shunchalik tor va noqulay ediki, suratga olish paytida aktrisa ba'zida gallyutsinatsiyani boshdan kechiradi.
Margo Robbi Leonardo Di Kaprioga tarsaki tushirib, “Uoll-strit bo‘risi” filmidagi rolini qo‘lga kiritadi
Margo “Uoll-strit bo‘risi” filmida suratga tushganidan so‘ng katta muvaffaqiyatga erishadi. Biroq aktrisa bu rolni kasting paytida o‘zining jasur xatti-harakati tufayli olganini kam odam biladi. Kastingda Robbi katta tavakkal qilib, allaqachon dunyoga mashhur yulduz bo‘lib ulgurgan Leonardo Di Kaprioning yuziga trasaki tushiradi. Uning bu harakati aktyorda ham, rejissorda ham katta taassurot qoldiradi va aktrisa uchun bu Gollivudga o‘ziga xos yo‘llanma bo‘ladi.
Keyt Uinslet suv ostida nafasini 7 daqiqa ushlab turishni o‘rganadi
“Avatar: Suv yo‘li” filmining katta qismi suv ostida sodir bo‘ladi. Suratga olishga tayyorgarlik ko‘rish uchun ko‘plab aktyorlar fridayving bilan shug‘ullanishgan va suv ostida uzoq vaqt turishni o‘rganishgan.
Mutlaq chempion suv qabilasi rahbarining rafiqasi rolini o‘ynagan Keyt Uinslet bo‘ladi. U nafaqat suv ostidagi barcha tryuklarni o‘zi bajaradi, balki nafasini 7 daqiqa 14 soniya ushlab turishni ham o‘rganadi.
Jenna Ortega Uenzdey ega bo‘lgan ko‘plab ko‘nikmalarni egallaydi
Xuddi shu nomdagi serialdagi g‘amgin va aqlli o‘smir Uenzdey rolini maftunkor Jenna Ortega o‘ynadi. Sujet davomida uning qahramoni juda ko‘p qiziqarli qobiliyatlarga ega ekanligini bilish mumkin: u violonchel chaladi, kamondan otadi, nemis tilini biladi, qilichni yaxshi o‘ynatadi va eshkak esha oladi.
Bu ko‘nikmalarning barchasi Ortega rolga tayyorgarlik ko‘rish uchun bir necha oy ichida egallashi kerak edi. Natijada uning obrazi juda ishonchli chiqdi va uning qahramonini tomoshabinlar sevib qoldi.
Izoh (0)