Toshkent shahar Ichki ishlar bosh boshqarmasi poytaxtda joylashgan turizm namoyishi obyektlariga tashrif buyuruvchi xorijiy va mahalliy sayyohlar xavfsizligini ta’minlashda jamoatchi yordamchi sifatida ko‘ngillilarni hamkorlikka taklif qilmoqda.
Qayd etilishicha, volontyor Xavfsiz turizmni ta’minlash boshqarmasi xodimlariga turizm namoyishi obyektlari va infratuzilmasi hududlarida sayyohlar xavfsizligi va jamoat tartibini ta’minlashda ko‘maklashadi.
Xavfsiz turizmni ta’minlash boshqarmasi faoliyatiga jamoatchi yordamchi sifatida:
- o‘n sakkiz yoshdan qirq besh yoshgacha bo‘lganlar;
- sog‘lig‘ining holati va jismoniy tayyorgarligi bo‘yicha belgilangan vazifalarni bajarishga qodir;
- muqaddam sudlanmagan;
- ichki ishlar organlarining profilaktik hisobida turmagan;
- xorijiy, ustuvor ravishda ingliz va rus tillarini biladigan;
- yashash va o‘qish joyi bo‘yicha ijobiy tavsiflangan ko‘ngillilar jalb qilinadi.
Murojaat uchun telefon +998990109242, +998919131449
Izoh (0)