Qashqadaryo viloyati Shahrisabz shahrida gaplashib yurgan qizining suratlarini tarqatmaslik uchun 5 ming dollar talab qilgan yigit ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Xabarga ko‘ra, holat Bosh prokuratura huzuridagi departament hamda IIBning Shahrisabz shahar bo‘limlari tomonidan o‘tkazilgan tezkor tadbirda aniqlangan. Fuqaro O.I. A. ismli qiz bilan gaplashib yurib, uning shaxsiy fotosuratlarini qo‘lga kiritgan. Shundan so‘ng ushbu suratlarni ijtimoiy tarmoqlarda tarqatib yuborish bilan qo‘rqitib, evaziga undan 5000 dollar talab qilib, shundan ming dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 165-moddasi (tovlamachilik) va 141-1-moddasi (shaxsiy hayot daxlsizligini buzish) bilan jinoyat ishi qo‘zg‘atilib, tergovga tegishliligi bo‘yicha yuborilgan.
Izoh (0)