2022-yilda O‘zbekistonda birinchi farzandini dunyoga keltirgan onalar soni 280 432 nafarni tashkil etgan. Bu haqda Statistika agentligi xabar qildi.
Qayd etilishicha, shu yili 40 va undan katta yoshdagi 647 nafar ayol ilk bor farzandli bo‘lgan.
Yosh guruhlari bo‘yicha ilk marotaba farzandli bo‘lgan onalar sonida 20 yoshdan 29 yoshgacha bo‘lgan ayollar katta hajmni egallaydi. Bundan tashqari, 20 yoshgacha bo‘lgan 44259 nafar ayol farzandli bo‘lgan.
- 20 yoshgacha – 44 259 kishi (15,8 foiz);
- 20-29 yosh – 216 792 kishi (77,3 foiz);
- 30-39 yosh – 18 734 kishi (6,7 foiz);
- 40-45 yosh – 647 kishi (0,2 foiz).
Eslatib o‘tamiz, 2023-yilning yanvar oyida 76199 nafar tirik tug‘ilish holatlari FHDY organlarida qayd etilgan. Ulardan 1816 nafari egizak chaqaloqlar hisoblanadi.
Izoh (0)