Rossiya prezidenti Vladimir Putinning zirhli poyezdi uchun maxsus platformalar va temiryo‘l liniyasi yaratilgan. Bu haqda UNIAN xabar berdi.
Nashr tayangan manbada Rossiya rahbari uchun uchta maxsus platforma mavjudligi, ular Moskva, Moskva viloyati va Valdayda joylashgani keltiriladi. Ulardan birinchisi 2015-yilda Usovo qishlog‘idagi Rublyovo-Uspenskiy trassasida, ikkinchisi 2018-yilda Leningradskiy temiryo‘l stansiyasida, uchinchisi 2019-yilda Valdayda qurilgan.
.jpg)
“Putin kamdan kam hollarda maxsus poyezdda sayohat qiladi. Asosan, bu platformalar kuryerlik xizmati tomonidan tovarlar, xatlar va shunga o‘xshash narsalarni yetkazib berish uchun foydalaniladi”, — dedi manba.
.jpg)
Ta’kidlanishicha, maxsus inshootlar “RJDstroy” OAJ bosh direktorining sobiq birinchi o‘rinbosari Gennadiy Talashkin nazorati ostidagi kompaniyalar tomonidan qurilgan. Yanvar oyida u hibsga olinib, tergov izolyatoriga yuborilgan.
Avvalroq Rossiya hukumati so‘nggi yillarda mamlakat prezidenti Vladimir Putinning qarorgohlariga olib boruvchi temiryo‘l liniyalari hamda bir nechta maxfiy stansiyalarni qurgani haqda xabar berilgandi. Shuningdek, “Dosye” surishtiruv markazi 2021-yilning ikkinchi yarmida Rossiya prezidenti tashqi ko‘rinishidan oddiy poyezddan unchalik farq qilmaydigan zirhli poyezdda harakatlana boshlagani haqida xabar bergan.
Izoh (0)