Latviya Seymi (parlamenti) Ukrainaning tinch aholisini qo‘llab-quvvatlash to‘g‘risidagi qonunga davlat avtomashinalarini Ukraina hukumati mulkiga bepul topshirish imkoniyatini ko‘zda tutuvchi tuzatishlarni ma’qulladi. Bu haqda Meduza xabar bermoqda.
“Biz mast holda mashina boshqargan haydovchilardan musodara qilingan avtomabillarni sotish, qayta ishlash uchun yoki ehtiyot qismlar uchun demontaj qilishga topshirishimiz mumkin, ammo hozirgi sharoitda ular Ukraina xalqi uchun foydali yordam bo‘lishini ko‘ryapmiz”, — dedi mudofaa bo‘yicha Seym komissiyasi raisi Raymonds Bergmanis.
Musodara qilingan avtomashinalarni Ukraina armiyasi ehtiyojlariga o‘tkazish to‘g‘risidagi qaror har bir holatda Latviya hukumati tomonidan qabul qilinadi. Avtomobillar Ukraina hukumati bilan hamkorlik qiluvchi va yordam haqida murojaatlarni qabul qiluvchi tashkilot orqali topshiriladi.
Mast holda rulga o‘tirgan haydovchilardan tortib olingan mashinalarni Ukrainaga o‘tkazish taklifini Latviya moliya vaziri Arvils Asheradens bildirgan. Uni Latviya Seymidagi hukmron koalitsiya qo‘llab-quvvatlagan.
Izoh (0)