Россияда Путиннинг зирҳли поезди учун махсус платформалар ва тармоқ линияси пайдо бўлди (харита)

Россия президенти Владимир Путиннинг зирҳли поезди учун махсус платформалар ва темирйўл линияси яратилган. Бу ҳақда  UNИАН хабар берди.

Нашр таянган манбада Россия раҳбари учун учта махсус платформа мавжудлиги, улар Москва, Москва вилояти ва Валдайда жойлашгани келтирилади. Улардан биринчиси 2015 йилда Усово қишлоғидаги Рублёво-Успенский трассасида, иккинчиси 2018 йилда Ленинградский темирйўл станциясида, учинчиси 2019 йилда Валдайда қурилган.

“Путин камдан кам ҳолларда махсус поездда саёҳат қилади. Асосан, бу платформалар курерлик хизмати томонидан товарлар, хатлар ва шунга ўхшаш нарсаларни етказиб бериш учун фойдаланилади”, — деди манба.

Таъкидланишича, махсус иншоотлар “RJDстрой” ОАЖ бош директорининг собиқ биринчи ўринбосари Геннадий Талашкин назорати остидаги компаниялар томонидан қурилган. Январь ойида у ҳибсга олиниб, тергов изоляторига юборилган.

Аввалроқ Россия ҳукумати сўнгги йилларда мамлакат президенти Владимир Путиннинг қароргоҳларига олиб борувчи темирйўл линиялари ҳамда бир нечта махфий станцияларни қургани ҳақда хабар берилганди. Шунингдек, “Досе” суриштирув маркази 2021 йилнинг иккинчи ярмида Россия президенти ташқи кўринишидан оддий поезддан унчалик фарқ қилмайдиган зирҳли поездда ҳаракатлана бошлагани ҳақида хабар берган.