Rossiyada sudlangan va “Vagner” tarkibida Ukrainadagi urushda qatnashgan qirg‘izistonlik erkak halok bo‘ldi. Bu haqda 24.kg xabar berdi.
.jpg)
Ma’lum qilinishicha, erkakning jasadi 15-fevral kuni Qirg‘izistonga yetkazilgan, o‘lim sanasi esa keltirilmagan. 35 yoshga to‘lmagan qirg‘izistonlik 2019-yilda odam o‘ldirgani uchun sakkiz yarim yilga qamalgan. 2022-yil oktabr oyida Tatariston tuman sudi uning vataniga ekstraditsiya qilinishiga rozilik bergan, biroq mahkum Ukrainaga borishni tanlagan.
Bu vaqtga kelib u allaqachon to‘rt yil davomida Tataristonning yopiq muassasalaridan birida jazo o‘tagan. U oilada olti farzandning kattasi bo‘lgan. Uning ikki farzandi yetim qolgan. Erkak Moskvada ishlab yurganida xotini bilan ajrashgan.
Ta’kidlanishicha, yana bir qirg‘izistonlik erkak 2019-yilda Rossiyada o‘g‘irlash va tovlamachilik moddalari bo‘yicha sudlangan. U 2022-yil Donetsk hududida vafot etgan. Jogorku Keneshda voqea sabablarini oydinlashtirish talab qilingan.
2022-yil noyabr oyida Moskva koloniyalaridan birida jazo o‘tayotgan 23 yoshli Zambiya fuqarosi Ukrainadagi urushga yollanishi ortidan vafot etgandi. U Rossiyada Moskva muhandislik-fizika institutida o‘qigan va kuryer bo‘lib ishlagan. 2020-yil aprel oyida u 9,5 yilga qamalgan.
Izoh (0)