Россияда судланган ва “Вагнер” таркибида Украинадаги урушда қатнашган қирғизистонлик эркак ҳалок бўлди. Бу ҳақда 24.kg хабар берди.
.jpg)
Маълум қилинишича, эркакнинг жасади 15 февраль куни Қирғизистонга етказилган, ўлим санаси эса келтирилмаган. 35 ёшга тўлмаган қирғизистонлик 2019 йилда одам ўлдиргани учун саккиз ярим йилга қамалган. 2022 йил октябрь ойида Татаристон туман суди унинг ватанига экстрадиция қилинишига розилик берган, бироқ маҳкум Украинага боришни танлаган.
Бу вақтга келиб у аллақачон тўрт йил давомида Татаристоннинг ёпиқ муассасаларидан бирида жазо ўтаган. У оилада олти фарзанднинг каттаси бўлган. Унинг икки фарзанди етим қолган. Эркак Москвада ишлаб юрганида хотини билан ажрашган.
Таъкидланишича, яна бир қирғизистонлик эркак 2019 йилда Россияда ўғирлаш ва товламачилик моддалари бўйича судланган. У 2022 йил Донецк ҳудудида вафот этган. Жогорку Kenesҳда воқеа сабабларини ойдинлаштириш талаб қилинган.
2022 йил ноябрь ойида Москва колонияларидан бирида жазо ўтаётган 23 ёшли Замбия фуқароси Украинадаги урушга ёлланиши ортидан вафот этганди. У Россияда Москва муҳандислик-физика институтида ўқиган ва курер бўлиб ишлаган. 2020 йил апрель ойида у 9,5 йилга қамалган.
Изоҳ (0)